Ábyrgð endurskoðenda á bankahruninu

Er ekki kominn tími til að ábyrgð endurskoðenda á bankahruninu verði skoðuð rækilega. Þeir skrifuðu upp á alla árseikninga bankanna án athugasemda. Ekki nóg með að þeir hafi skrifað upp á ársreikninganna heldur blessuðu þeir öll þriggja mánaða uppgjör þeirra og töldu þar með okkur þessum venjulegu fjárfestum trú  um að óhætt væri að setja peninga í hlutabréfakaup. Þeir tóku því fullan þátt í blekkingarleik bankastjóranna sem miðaði að því að fá okkur til að trúa að allt væri í lagi.

 Sitja ekki sömu menn  í skilanefndum sömu banka og þeir ,,endurskoðuðu“ og rukka okkur  tugi milljóna í greiðslur fyrir greiðan?  Eru þeir ekki þar með að endurskoða sína eigin endurskoðun? Hversu trúverðugt er það nú?

Enron fór á hausinn og um leið varð endurskoðandi þeirra Arthur Anderson að loka sjoppunni þar sem enginn hafði trú á þeim lengur. Ekkert slíkt gerist hér þó svo að bankahrunið sé mun stærra en Enron málið.

Mikilvægt að tryggja betur sjálfstæði endurskoðenda